പിറക്കാതെ മരിച്ചു പോയ ചിന്തകൾക്ക് സങ്കടം പറഞ്ഞിരിക്കാൻ ഒരു കൂട്ട് വേണം.. ഓർമ്മകളുടെ പിന്നാമ്പുറ കാഴ്ചകൾക്ക് മങ്ങൽ ഏൽക്കുന്നതിനു മുൻപായി കറുത്ത ഫ്രെയിമിൽ ചേർത്ത ഒരു കുപ്പിച്ചില്ലിന്റെ കൂട്ട്പോലെ.. ചിരിച്ചു ചിന്തിച്ചു ഓർമ്മകളുടെ തോണിയേറി അക്കരെയെത്തുമ്പോൾ തിരികെ തുഴയാൻ നിലാവിന്റെ കൂട്ടുപോലെ... ആർത്തു പതിക്കുന്ന മഴത്തുള്ളികളിൽ നിന്നും പേടിചൊളിക്കാൻ കറുത്ത ശീലയുടെ കുടയുടെ കൂട്ടുപോലെ... മറവിയുടെ വാതിൽ സ്വയം തുറക്കുന്നതുവരെ പിറക്കാതെ മരിച്ചു പോയ ചിന്തകൾക്ക് സങ്കടം പറഞ്ഞിരിക്കാൻ ഒരു കൂട്ട് വേണം...